Skólareglur

Nemendur Tónlistarskólans á Egilsstöðum skulu…

1. Mæta stundvíslega í allar kennslustundir, á æfingar og á tónlistarviðburði.

• Forföll ber að tilkynna til kennara eða, ef þörf er á, skólastjórnenda eins fljótt og auðið er. Forföll nemenda yngri en 18 ára skulu tilkynnt af forráðamanni.
• Ótilkynntar fjarvistir eru litnar alvarlegum augum og hvert tilvik skoðað af skólastjórnendum.
• Nemendum ber að taka þátt í samspili og tónlistarviðburðum eftir fyrirmælum kennara.

• Nemendum ber að stunda nám í tónfræðagreinum sem hæfir þeirra námsstigi.

2. Koma vel undirbúnir í tíma og hafa viðeigandi námsgögn meðferðis.

• Sinni nemandi ekki náminu um lengri tíma er heimilt að vísa honum úr skólanum.
• Sé nemandi ekki með viðeigandi námsgögn er heimilt að fella niður kennslu.

3. Sýna kennurum, skólastjórnendum og öðrum nemendum kurteisi, virðingu og tillitssemi.

• Nemendum ber að sýna tillitssemi í hóptímum og taka þátt í að búa til umhverfi þar sem allir geta lært, meðal annars með því að valda ekki truflun í tímum.
• Farsímanotkun má ekki valda truflun í tíma.

4. Ganga vel um húsnæði og eigur skólans og eigur annarra.

• Valdi nemandi tjóni á eigum eða húsnæði skólans ber honum eða forráðamönnum hans að bæta það.
• Nemandi sem hefur hljóðfæri á leigu má ekki lána það til annarra og ber hann eða forráðamenn hans ábyrgð á því ef tjón verður á því eða það glatast vegna gáleysis.

5. Hlíta að öðru leyti fyrirmælum kennara og stjórnenda skólans. 

Brjóti nemandi reglu getur hann átt von á áminningu. Brjóti hann endurtekið reglur hefur kennari samband við forráðamann og, ef við á, aðalkennara nemandans. Gerist nemandi enn brotlegur við reglur eru forráðamenn boðaðir til fundar við tónlistarskólastjóra og kennara. Heimilt er að vísa nemanda frá námi við ítrekuð og/eða alvarleg brot á skólareglum. Ef um alvarlegt brot á reglum er að ræða er strax haft samband við skólastjórnanda og forráðamann.