Barítónhorn

Barítónhorn er blásturshljóðfæri sem tilheyrir málmblástursfjölskyldunni. Barítónhorn lítur úr eins og langt rör sem er vafið upp í allskonar slaufur og flækjur. Á horninu eru þrír takkar sem við köllum ventla, en með því að ýta á þá fáum við mismunandi tóna. Við getum svo spilað enn fleiri tóna með því að breyta vörunum og blæstrinum. Til þess að fá tón úr hljóðfærinu þurfum við að blása með smá varapuðri í munnstykkið og þá hljómar hin kröftugi en mjúki tónn barítónhornsins.

Barítónhorn gegnir veigamiklu hlutverki í ýmiskonar hljómsveitum, svo sem lúðrasveitum og brassböndum. Oft byrja ungir nemendur sem stefna á túbuleik á því að spila á barítónhorn á meðan þeir þjálfa upp lungun og stækka aðeins. Barítónhornið spilar djúpa tóna, en flinkir spilarar geta náð upp á miðtónana.

Algengast er að nemendur hefji barítónnám á aldrinum 8-10 ára. Tónlistarskólinn leigir út hljóðfæri til nemenda sinna fyrstu árin en yfirleitt er gert ráð fyrir að nemendur eignist eigið hljóðfæri þegar þeir eru komnir nokkuð áleiðis í námi sínu. Mikilvægt er að ráðfæra sig við kennara þegar kemur að hljóðfærakaupum.

Barítónhornnámið skiptist í einkatíma og hljómsveitaræfingar með Skólahljómsveit Fljótsdalshéraðs, en að auki fá nemendur tækifæri til að spila í minni samspilshópum. Kennt er eftir aðalnámskrá tónlistarskóla og barítónhornnemendur byrja að sækja tónfræðitíma þegar kennarar telja það tímabært.

Hér fyrir neðan má sjá nokkur skemmtileg barítónhorntóndæmi:

Hér spilar Katrina Marzella einleik með The National Youth Brass Band of Scotland, en hún er að spila Svaninn úr Karnival Dýranna.

Hér má heyra syrpu úr Pirates of the Caribbean spilaða á fjögur euphonium (sem er útgáfa af barítónhorni).

Hér má heyra kunnuglegt stef spilað á barítónhorn og trompet.

Hér má heyra Matthew White spila með nýstárlegum hætti á barítónhorn.

Að lokum má sjá hér hvað gerist þegar kisinn skríður ofan í barítónhornið.