Ávaxtakarfan

Árshátíðarsýning miðstigs Egilsstaðaskóla, Ávaxtakarfan, fór fram með glæsibrag í hátíðarsal Egilsstaðaskóla fimmtudaginn 8. febrúar. Var mikið um dýrðir í sýningunni og mikil litagleði sem ríkti auk þess að sýningin ber með sér einstaklega fallegan boðskap. Nemendurnir stóðu sig með miklum ágætum og átti Tónlistarskólinn þarna ýmsa flotta nemendur í sönghlutverkum. Að þessi sinni var hjómsveitin skipuð kennurum Tónlistaskólans. Berglind Halldórsdóttir sá um útsetningar og Margrét Lára Þórarinsdóttir aðstoðaði við undirbúning söngatriða. Árshátíðarvinnan er stærsta verkefnið sem Tónlistarskólinn vinnur með Egilsstaðaskóla ár hvert og alltaf ánægjuleg. Við þökkum Egilsstaðaskóla kærlega fyrir samstarfið og óskum miðstiginu innilega til hamingju með glæsilega sýningu!