Ína Berglind á Bókakaffi

Ína Berglind Guðmundsdóttir, nemandi Tónlistarskólans á Egilsstöðum og Tónlistarskólans í Fellabæ, hélt tónleika á Bókakaffi þriðjudagskvöldið 31. maí ásamt Øysteini Magnúsi Gjerde, kennara sínum. Ína Berglind er nemandi í 9. bekk í Fellaskóla og stundar tónlistarnám hjá Øysteini og Margréti Láru Þórarinsdóttur. Hún hefur látið að sér kveða í Upptaktinum og Nótunni, þar sem hún flutti frumsamið lag. Ína Berglind hafði sjálf frumkvæði að því að halda tónleikana og það skal tekið fram að það er afar sjaldgæft að nemandi á grunnskólaaldri taki upp á því að spila heila tónleika og var þetta því mikið afrek. Til hamingju Ína Berglind!