Rokktónleikar TME

Tónlistarfélag Menntaskólans á Egilsstöðum (TME) hélt stórglæsilega rokktónleika í Valaskjálf fimmtudagskvöldið 12. maí. Þar komu saman metnaðarfullir og hæfileikaríkir nemendur og fluttu hverja perlu rokksögunnar á fætur annarri með glæsibrag. Nemendur Tónlistarskólans, bæði fyrrverandi og núverandi, voru atkvæðamiklir á tónleikunum og það bæði sem söngvarar og hljóðfæraleikarar. Það gleður okkur mjög mikið að sjá nemendur okkar verða að sjálfstæðum ungum tónlistarmönnum, að þeir nýti það sem þeir hafa lært í skólanum á viðburðum utan hans og hvað þeir sýna mikinn metnað í viðburðaskipulagningu og viðburðahaldi. Við óskum TME innilega til hamingju með þessa frábæru tónleika og hlökkum virkilega til næstu!