Tónleikar á Dyngju

Þriðjudaginn 30. janúar lögðu nemendur og kennarar leið sína á hjúkrunarheimilið Dyngju til að spila og syngja fyrir íbúa. Að þessu sinni fengu áheyrendur að heyra söng, trommuleik og píanóleik. Tónleikarnir hófust á vöskum hópi stráka úr öðrum bekk, sem sungu og spiluðu á trommur með. Síðan mátti heyra frumsamið lag á píanó og píanóspuna auk þess að tvær ungar stúlkur sungu lög sem þær höfðu sérstök, persónuleg tengsl við. Óhætt er að segja að flutningur nemendanna hafi vakið mikla lukku, enda stóðu þeir sig afskaplega vel. Þetta var yndisleg stund og við þökkum íbúum og starfsfólki fyrir góðar móttökur.