Tónleikar á Dyngju

Tónlistarskólinn á Egilsstöðum hélt sína mánaðarlegu tónleika á hjúkrunarheimilinu Dyngju þriðjudaginn 19. mars kl. 15:00. Að þessu sinni áttu píanó- og fiðlunemendur sviðið. Yngri nemendur voru áberandi á tónleikunum og voru þetta allra fyrstu tónleikar sumra nemendanna, sem er alltaf afar stór stund, en lengra komnir nemendur voru líka með. Það var ekki síður gott fyrir yngri nemendurna en tónleikagesti að fá að heyra þá eldri leika listir sínar. Nemendurnir stóðu sig frábærlega að vanda og tóku áheyrendur afar vel á móti þeim. Við þökkum íbúum og starfsfólki Dyngju kærlega fyrir móttökurnar og hlökkum til að koma aftur í apríl!