Tónleikar í Dyngju

Það var afskaplega ánægjulegt fyrir okkur að fara loksins með nemendur aftur í heimsókn á hjúkrunarheimilið Dyngju þriðjudaginn 26. apríl. Áður er COVID faraldurinn skall á héldum við tónleika þar mánaðarlega, en á þeim tíma sem faraldurinn geisaði var fátt um heimsóknir þangað. Þetta voru aðeins aðrir tónleikarnir í Dyngju á árinu, en við fórum líka einu sinni um haustið þegar rofaði örlítið til um tíma. Á tónleikunum léku bæði ungir nemendur og lengra komnir og innihélt efnisskráin fjölbreytta tónlist og bæði hljóðfæraleik og söng. Við hlökkum til þess að heimsækja íbúa Dyngju aftur í maí og vonandi reglulega framvegis!