Upptakturinn á Austurlandi

Upptakturinn á Austurlandi fór fram í Studio Silo á Stöðvarfirði helgina 10.-11. febrúar. Upptakturinn eru tónsköpunarverðlaun barna og ungmenna og gefur ungu fólki tækifæri til að senda inn tónsmíð og vinna úr hugmyndum sínum með fagmönnum. Þátttakendur komu víða að af Austurlandi og fengu að vinna að hugmyndum sínum með fagfólki og í fyrsta flokks aðstöðu. Nemendurnir sendu alls átta lög inn í Upptaktinn og verður eitt þeirra valið til flutnings á barnamenningarhátíð í Hörpu í apríl. Tónlistarskólinn á Egilsstöðum átti að þessu sinni tvo nemendur í Upptaktinum og við þökkum Menningarstofu Fjarðabyggðar fyrir að gefa nemendunum þetta frábæra tækifæri!