Jafnréttisáætlun

Jafnréttisáætlun Tónlistarskólans á Egilsstöðum

Í Tónlistarskólanum á Egilsstöðum er vandlega gætt að jafnrétti og mannréttindum starfsmanna og nemenda. Allir meðlimir skólasamfélagsins eiga að njóta sömu virðingar innan skólans og hver þeirra er metinn á eigin forsendum með málefnalegum hætti. Stuðlað er að jöfnun tækifærum allra starfsmanna og nemenda innan skólans.  Jafnréttisáætlun Tónlistarskólans á Egilsstöðum tekur mið af Jafnréttisáætlun Fljótsdalshéraðs.

 Nemendur

• Í Tónlistarskólanum á Egilsstöðum er nemendum ekki mismunað eftir kyni.
• Nemendur af báðum kynjum hafa sama möguleika til þess að læra á hvaða hljóðfæri sem er.
• Nemendur af báðum kynjum eru hvattir til þess að stunda tónlistarnám.
• Nemendum af báðum kynjum eru kynntir námsmöguleikar til skólans með sama hætti.
• Kennsluaðferðir, námsgögn og námsefni skólans mismuna nemendum ekki eftir kyni.
• Nemendur af báðum kynjum fá sömu tækifæri til þátttöku í  hljómsveitum eða tónlistarhópum og til að spila og syngja á viðburðum á vegum skólans.

 Starfsfólk

• Í Tónlistarskólanum á Egilsstöðum er starfsfólki ekki mismunað eftir kyni.
• Kynferðisleg áreitni, kynbundin áreitni, ofbeldi eða einelti eru ekki liðin innan skólans.
• Öll störf við skólann henta jafnt konum sem körlum.
• Ráðningar við skólann skulu vera faglegar og skal umsækjandi af því kyni sem er í minnihluta starfsmanna í skólanum að jafnaði ganga fyrir við ráðningu í starf þegar umsækjendur eru jafnhæfir.
• Starfsmenn búa við jafnrétti á vinnustaðnum varðandi stöðuhækkanir og breytingar á störfum.
• Konum og körlum sem starfa hjá Tónlistarskólanum skulu greidd laun í samræmi við kjarasamninga síns stéttarfélags og skal í engu mismunað í kjörum vegna kyns.
• Starfsmenn njóta sömu möguleika til endurmenntunar og starfsþróunar óháð kyni og eru starfsmenn af báðum kynjum hvattir til þess að taka virkan þátt í slíku.
• Starfsmenn njóta sveigjanleika vegna samræmingar starfs og fjölskylduábyrgðar eins og kostur er.
• Starfsmenn af báðum kynjum eru hvattir til þess að nýta fæðingarorlof og að skipta með sér heimaveru vegna veikinda barna.