100 ára fullveldi-hátíðarsamkoma í Egilsstaðaskóla

Tveir nemendur Tónlistarskólans, þær Joanna Natalia og Maria Anna Szczelina, voru þess heiðurs aðnjótandi að fá að spila á hátíðarsamkomum í Egilsstaðaskóla í tilefni af 100 ára fullveldi Íslands. Þær léku sitt hvort verkið eftir Frédéric Chopin á sitthvorri samkomunni, en haldin var ein samkoma fyrir yngri nemendur og ein fyrir þá eldri. Báðar systurnar eru um þessar mundir að undirbúa þátttöku í fyrstu Chopin píanókeppninni í Reykjavík sem verður í mars. Það er sönn ánægja fyrir Tónlistarskólann að nemendur okkar skuli fá tækifæri til þess að taka þátt í hátíðarstundum í samfélaginu okkar og þökkum við Egilsstaðaskóla kærlega fyrir.