17. júní

Þjóðhátíðardagur Íslendinga var haldinn hátíðlegur þann 17. júní með pompi og prakt í Íþróttahúsinu á Egilsstöðum. Lúðrasveit Fljótsdalshéraðs lét sig að sjálfsögðu ekki vanta þar, en hún lék þrjú lög í upphafi dagskrár, en Tónlistarskólinn er stoltur samstarfs- og stuðningsaðili lúðrasveitarinnar. Raunar var sveitin búin að búa sig undir skrúðgöngu með öllu tilheyrandi, en veðrið var ekki samvinnuþýtt þennan dag! Að auki má geta þess að Ína Berglind Guðmundsdóttir, nemandi við skólann, flutti þrjú frumsamin lög sem hluti af hátíðardagskránni, en hún kom fram með kennara sínum og samnemanda úr Tónlistarskólanum í Fellabæ, sem einnig áttu frumsamin lög á hátíðinni.