17. júní á Egilsstöðum

Áttatíu ára lýðveldisafmæli Íslands var haldið hátíðlegt á Egilsstöðum með ýmsum hætti, meðal annars með tónlist, og komu nemendur tónlistarskólans og samstarfsaðilar að því með ýmsum hætti. Nokkrir nemenda skólans höfðu áberandi hlutverki að gegna í fjölskyldustund Egilsstaðakirkju um morguninn og leiddu þar söng. Lúðrasveit Fljótsdalshéraðs lék einnig í fjölskyldustundinni og síðan í skrúðgöngu frá kirkjunni að fimleikahúsinu og við fimleikahúsið. Tónlistarfélag Menntaskólans á Egilsstöðum kom síðan fram tvívegis með glæsibrag á hátíðahöldunum í Tjarnargarðinum, en þar eru fyrrverandi og núverandi nemendur skólans, auk Tónlistarskólans í Fellabæ, áberandi. Það er ljóst að hátíðahöldin hefðu orðið öllu minna hátíðleg án tónlistar!