17. júní á Egilsstöðum

Þjóðhátíðardegi Íslendinga var haldinn hátíðlegur á Egilsstöðum með ýmsum hætti, meðal annars með tónlist, og komu nemendur tónlistarskólans, fyrrverandi og núverandi kennarar og samstarfsaðilar að því með ýmsum hætti. Lúðrasveit Fljótsdalshéraðs lék í fjölskyldustund í Egilsstaðakirkju um morguninn og síðan í skrúðgöngu frá kirkjunni að íþróttahúsinu og síðan við íþróttahúsið. Hljómsveitin Black Shadows lék svo á hátíðardagskrá í Tjarnargarðinum, en hún er skipuð nemendum úr fimmta bekk Egilsstaðaskóla sem flestir eru að læra í Tónlistarskólanum. Hátíðahöldin voru glæsileg í alla staði og það er ljóst að tónlistin átti ríkan þátt í að gera þau jafn flott og raun bar vitni.