17. júní á Egilsstöðum

Þjóðhátíðardagur Íslendinga er haldinn hátíðlegur á Egilsstöðum með ýmsum hætti, meðal annars með tónlist, og eiga nemendur Tónlistarskólans, fyrrverandi og núverandi kennarar og samstarfsaðilar yfirleitt sinn þátt í því. Lúðrasveit Fljótsdalshéraðs lék í fjölskyldustund í Egilsstaðakirkju um morguninn og síðan í skrúðgöngu frá kirkjunni að íþróttahúsinu og við íþróttahúsið, en Tónlistarskólinn er stoltur samstarfs- og stuðningsaðili lúðrasveitarinnar. Það var gott að það var miklu betra veður en til stóð! Tónlistin á ríkan þátt í að gera hátíðahöld af þessu tagi jafn skemmtileg og raun bar vitni og það er okkar ánægja og heiður að fá að taka þátt í því.