70s rokkveisla

Það var stórkostleg tónlistarveisla í Valaskjálf laugardagskvöldið 15. október. Viðburðurinn var á vegum Tónleikafélags Austurlands, sem heldur tónleika til styrktar geðheilbrigðismálum á svæðinu. Við erum stolt af því að á sviðinu voru bæði núverandi og fyrrverandi kennarar og nemendur Tónlistarskólans á Egilsstöðum og algjörlega frábært að ungir og upprennandi tónlistarmenn fengu þarna tækifæri til þess að flytja tónlist með sér reyndara fólki. Heyra mátti fjölbreytt úrval af rokktónlist frá áttunda áratug síðustu aldar og var flutningurinn til fyrirmyndar í alla staði. Við þökkum Tónleikafélagi Austurlands og flytjendunum fyrir tónleikana og þeirra framlag til mikilvægs málstaðar og sendum hamingjuóskir með viðburðinn!