80s tónleikar TME

Tónlistarfélag Menntaskólans á Egilsstöðum hélt tilþrifamikla og glæsilega 80s tónleika í Valaskjálf föstudagskvöldið 14. nóvember. Á tónleikunum mátti heyra marga af helstu slögurum níunda áratugarins flutta af innlifun, krafti og öryggi. Nemendurnir stóðu sig frábærlega, allir sem einn, og var gríðarleg ánægja með tónleikana. Við erum stolt af framlagi okkar nemenda til tónleikanna, en margir af nemendunum þarna á sviði voru núverandi og fyrrverandi nemendur skólans. Við fögnum því jafnframt að sjá hvað þessir nemendur eru farnir að vinna flott verkefni sjálfstætt, utan tónlistarskólans. Við óskum TME innilega til hamingju með frábæran viðburð og hlökkum til næstu viðburða hjá þeim!