Aðventukvöld Egilsstaðakirkju

Egilsstaðakirkja hélt aðventukvöld sunnudagskvöldið 7. desember. Nemendur tónlistarkólanna á Egilsstöðum og í Fellabæ komu fram. Söngnemendur hjá Hlín Pétursdóttur Behrens sungu jólalög með glæsibrag. Einnig kom hljómsveitin Jólastelpur fram, en það er blásarasveit samansett af nemendum úr þriðja og fjórða bekk Egilsstaðaskóla, sem eru að læra á fjölbreytt úrval blásturshljóðfæra. Lék hún undir stjórn Berglindar Halldórsdóttur. Við þökkum Egilsstaðakirkju fyrir að gefa nemendum okkar þetta tækifæri til að koma fram og óskum nemendum til hamingju með flutninginn. Svo er um að gera að hafa augu og eyru opin fyrir tónlistarnemum næstu daga, þeir eru á ferð og flugi þessa dagana!