Aðventustarf í kirkjum

Stúlknakórinn Liljurnar

Það er annríki hjá tónlistarnemendum þessa dagana! Nemendur í Tónlistarskólanum á Egilsstöðum komu fram á aðventukvöldum í Fellabæ þann 4. desember, Kirkjubæ þann 5. desember og Egilsstaðakirkju á öðrum sunnudegi í aðventu, þann 8. desember. Stúlknakórinn Liljurnar söng bæði í Fellabæ og í Egilsstaðakirkju og Guðsteinn Fannar Jóhannsson, söngnemandi, í Kirkjubæ. Með fréttinni fylgir mynd frá aðventukvöldi Egilsstaðakirkju, sem var hátíðleg stund við kertaljós með þátttöku kirkjukórs, barnakóra og fermingarbarna. Sungu Liljurnar þar tvö skemmtileg jólalög undir stjórn Hlínar Pétursdóttur Behrens, auk þess að syngja samsöng með hinum kórunum. Kirkjan var þétt setin og söng stúlknanna var mjög vel tekið.