Árni Pétur Árnason-framhaldsprófstónleikar

Árni Pétur Árnason lék framhaldsprófstónleika sína á bassabásúnu laugardaginn 23. maí ásamt Sándor Kerekes, meðleikara. Árni hóf nám við Tónlistarskólann í haust með það að markmiði að ljúka framhaldsprófi á bassabásúnu, en David Bobroff hefur verið kennari hans í vetur. Með prófinu braut hann blað í sögunni þar sem þetta var fyrsta bassabásúnuframhaldspróf landsins! Efnisskráin var glæsilegt og fjölbreytt og tónleikarnir voru vel sóttir. Þeim lauk með flutningi Lúðrasveitar Fljótsdalshéraðs auk góðra gesta á útsetningu Árna á þjóðlaginu Krummi krunkar úti fyrir lúðrasveit, sem hann gerði í áfanga um lúðrasveitarútsetningar undir handleiðslu Wes Stephens. Við óskum Árna innilega til hamingju!