Árshátíð í Egilsstaðaskóla - Grease

Árshátíð elsta stigs Egilsstaðaskóla var haldin 16. nóvember og settu nemendur af því tilefni upp söngleikinn Grease með glæsibrag. Sýningin var síðan endurtekin 22. nóvember og var frábær mæting og áhorfendur skemmtu sér mjög vel. Nemendur og kennarar Tónlistarskólans tóku virkan þátt í uppsetningunni. Hljómsveitin var skipuð kennurum skólans auk þess að nemendur spiluðu með, þó að sumir hafi reyndar bara tekið þátt í æfingaferlinu. Fjórir söngnemendur við skólann léku í sýningunni og af þeim fóru tvær ungar söngkonur með aðalhlutverk. Það er frábært að fá að vinna svona skemmtilegt verkefni með Egilsstaðaskóla, og þakkar Tónlistarskólinn kærlega fyrir samstarfið.