Árshátíð yngsta stigs Egilsstaðaskóla

Nemendur skólans í leikhúshljómsveitinni

Árshátíð yngsta stigs Egilsstaðaskóla var haldin fimmtudaginn 16. mars og settu nemendur í 1.-3. bekk upp Kardimommubæinn. Mikið var um dýrðir og nemendur stóðu sig með prýði. Tónlistin gengdi veigamiklu hlutverki í sýningunni og tóku nemendur og kennarar Tónlistarskólans virkan þátt í henni. Forskólanemendur tóku þátt í fjörmiklu forspili þar sem leikið var á trommur og ýmsar hristur. Nokkrir kennarar og eldri nemendur í skólanum skipuðu svo hljómsveitina sem lék undir í hinum góðkunnu Kardimommulögum. Þetta var frábær kvöldstund fyrir bæði flytjendur og áhorfendur. Það er mjög gott fyrir nemendur Tónlistarskólans að fá að taka þátt í svona skemmtilegum samvinnuverkefnum!