Asher Ian Armstrong masterclass

Við fengum frábæra heimsókn þriðjudaginn 21. apríl, en þá kom píanóleikarinn Asher Ian Armstrong til okkar til að kenna masterclass í Egilsstaðakirkju. Asher er frá Bandaríkjunum en býr í Kanada, þar sem hann kennir við háskólann í Toronto. Píanónemendur á ýmsum aldri og ýmsum stigum tóku þátt í tímanum, en masterclass er kennslustund þar sem nemendur skiptast á að spila og geta fylgst með kennaranum kenna samnemendum sínum. Þetta er frábær leið fyrir marga hljóðfæranemendur að læra af sama kennara á stuttum tíma. Asher hélt síðan alveg einstaklega glæsilega tónleika í Egilsstaðakirkju um kvöldið.  Við þökkum honum kærlega fyrir komuna!