Ávaxtakarfan

Nemendur á miðstigi í Egilsstaðaskóla héldu árshátíð sína miðvikudaginn 5. febrúar og settu upp glæsilega sýningu á Ávaxtakörfunni. Tónlistarskólinn tók að venju virkan þátt í sýningunni. Leikhúshljómsveitin samanstóð af nemendum og kennurum Tónlistarskólans auk þess að margir af söngvurunum á sviði voru nemendur skólans. Alls tóku 17 nemendur þátt í hljómsveitinni og er þetta vitaskuld frábær reynsla fyrir þá. Margir þeirra nemenda sem voru í stórum sönghlutverkum eru einnig nemendur Tónlistarskólans, ýmist í söng eða hljóðfæraleik. Berglind Halldórsdóttir sá um tónlistarstjórn í sýningunni og Margrét Lára Þórarinsdóttir aðstoðaði nemendurna við sönginn í sýningunni. Við þökkum Egilsstaðaskóla kærlega fyrir frábært samstarf!