Baráttudagur verkalýðsins

Tónlistarskólinn tók virkan þátt í 1. maí hátíðarhöldunum hjá AFL starfsgreinafélagi sem haldin voru á Hótel Héraði á miðvikudag undir kjörorðunum „Jöfnum kjörin – samfélag fyrir alla“. Lúðrasveit Fljótsdalshéraðs lék nokkur vel valin lög, þar á meðal Internasjónalinn, en Tónlistarskólinn er samstarfsaðili Lúðrasveitarinnar og eru bæði nemendur skólans og kennarar meðlimir í henni. Einnig tóku sönghópar 2., 3. og 4. bekkjar þátt í hátíðarhöldunum undir stjórn Hlínar Pétursdóttur Behrens og sungu meðal annars Maístjörnuna. Það var margt um manninn í samkomunni og var flytjendum vel tekið. Við þökkum AFLi og hátíðargestum fyrir góðar viðtökur og einnig að sjálfsögðu fyrir góðar veitingar!