Baráttudagur verkalýðsins 1. maí

Nemendur og kennarar Tónlistarskólans spiluðu og sungu á samkomu hjá AFLi starfsgreinafélagi mánudaginn 1. maí. Árni Friðriksson söng ásamt Zigmasi Genutis, meðleikara og Skólahljómsveit Fljótsdalshéraðs lék undir stjórn Berglindar Halldórsdóttur. Lúðrasveit Fljótsdalshéraðs spilaði einnig, en meðal meðlima hennar eru bæði nemendur og kennarar Tónlistarskólans auk annara blásturshljóðfæraleikara af Fljótsdalshéraði. Það var margt um manninn á samkomunni og var hraustlega tekið undir í fjöldasöng. Það er frábært að geta boðið upp á söng á háu gæðastigi og hvorki meira né minna en tvær lúðrasveitir til þess að leika við svona tilefni!