Barkinn

Menntaskólinn á Egilsstöðum hélt söngkeppnina Barkann, sem er undankeppni skólans fyrir Söngkeppni framhaldsskólanna, miðvikudagskvöldið 13. desember og voru þrettán söngvarar í keppninni. Á meðal keppenda voru nemendur Tónlistarskólans, auk þess að bæði núverandi og fyrrverandi nemendur voru í hljómsveitinni. Gyða Árnadóttir, úr Tónlistarskólanum í Fellabæ, var hlutskörpust. Dögun Óðinsdóttir var í öðru sæti keppninnar og Stefanía Þórdís Vídalín Áslaugardóttir í því þriðja, en þær eru báðar söngnemendur Margrétar Láru hér í skólanum. Auður Erna Aradóttir, einnig nemandi Margrétar Láru, fékk síðan verðlaun fyrir frumlegasta atriðið, en hún flutti frumsamið lag. Við óskum Menntaskólanum og flytjendum til hamingju með glæsilegan viðburð!