Barkinn 2019

Nemendur Tónlistarskólans komu, sáu og sigruðu í Barkanum, söngkeppni Menntaskólans á Egilsstöðum, sem fór fram þann 3. apríl. Karen Ósk Björnsdóttir heillaði áhorfendur og dómara upp úr skónum með glæsilegum flutningi á laginu Still Got the Blues eftir Gary Moore og bar sigur úr býtum. Soffía Mjöll Thamdrup flutti frumsamið lag, Lof mér að ganga ein, af mikilli innlifun og hreppti annað sætið. Karen og Soffía voru svo báðar einnig í þriðja sæti ásamt Ragnhildi Elínu Skúladóttur með frábæran samsöng í laginu Nights on Broadway með Bee Gees. Við óskum Karen, Ragnhildi og Soffíu innilega til hamingju með þennan árangur!