Barkinn 2021

Barkinn, söngkeppni Menntaskólans á Egilsstöðum, fór fram þann 24. mars. Tónlistarskólinn á Egilsstöðum átti sína fulltrúa þar, eins og svo oft áður. Unnar Aðalsteinsson lék á píanó í hljómsveitinni og tveir keppenda, þær Sara Lind Sæmundsdóttir og Jóhanna Hlynsdóttir, eru söngnemendur í skólanum. Sara Lind söng lagið The Last of the Secret Agents með Lee Hazlewood og Jóhanna gerði sér lítið fyrir og varð í öðru sæti í keppninni með Nirvana lagið Smells Like Teen Spirit, sem hún flutti einmitt á vetrartónleikum Tónlistarskólans fyrir stuttu. Við óskum Menntaskólanum á Egilsstöðum og öllu þessu unga tónlistarfólki til hamingju með flottan viðburð!