Barkinn 2026

Barkinn, undankeppni Menntaskólans á Egilsstöðum fyrir Söngkeppni framhaldskólanna, fór fram í Valaskjálf fór fram þriðjudagskvöldið 3. mars í Valaskjálf. Tónlistarskólinn átti þarna marga fyrrverandi og núverandi nemendur á sviði, bæði meðal keppenda og í hjómsveitinni. Þetta var frábært kvöld og flytjendur stóðu sig allir með miklum glæsibrag. Það var rífandi stemmning í salnum og greinilegt að áheyrendur kunnu virkilega að meta framlög keppenda. Þess má til gamans geta að nemendurnir í efstu þremur sætunum, Stefanía Þórdís, Logi Beck og Árný Birna, eru öll fyrrverandi nemendur Tónlistarskólans á Egilsstöðum. Við óskum TME og öllum flytjendum til hamingju með sérstaklega glæsilegan viðburð!