Barnajazz

Laugardaginn 11. nóvember var líf og fjör í tónlistarskólanum, en þá fengum við til okkar frábæra gesti. Odd André Elveland frá Improbasen í Osló hefur þróað skemmtilegar og árangursríkar aðferðir til að kenna krökkum að spila djass eftir eyranu og improvisera og var hann hjá okkur í allan dag með kynningar og vinnustofur. Honum til aðstoðar voru Haruna Koyamada frá Sapporo í Japan og djasskvintett úr Mosfellsbæ, skipuðum börnum á aldrinum 9-12 ára. Tónlistarkennarar fengu flotta kynningu á aðferðinni um morguninn og eftir hádegi voru svo frábærar nemendavinnustofur þar sem nemendur okkar fengu tækifæri til að vinna eftir þessum aðferðum!