Blái Hnötturinn

Yngsti hljómsveitarmeðlimurinn var líka leikari

Tónlistarskólinn á Egilsstöðum hefur verið að vinna að frábæru verkefni með Egilsstaðaskóla undanfarið, en nemendur á yngsta stigi settu upp Bláa Hnöttinn eftir Andra Snæ Magnason og sýndu á árshátíð sinni þann 21. mars. Tónlistin í sýningunni er eftir Kristjönu Stefánsdóttur og fær hún okkar bestu og innilegustu þakkir fyrir veitta aðstoð, en tónlistin setti sterkan svip á sýninguna. Alls tóku sautján nemendur Tónlistarskólans þátt í leikhúshljómsveitinni og stóðu sig gríðarlega vel. Tónlistarstjóri sýningarinnar var Berglind Halldórsdóttir og söngstjóri Margrét Lára Þórarinsdóttir. Við þökkum Egilsstaðaskóla fyrir einstaklega vel heppnað samstarf og óskum þeim jafnframt til hamingju með alveg stórglæsilega sýningu!