Blái hnötturinn

Miðstig Egilsstaðaskóla setti upp árshátíðarsýninguna Bláa hnöttinn fimmtudaginn 20. febrúar. Var þetta sérstaklega glæsileg og litrík sýning og afar ánægjulegt fyrir Tónlistarskólann að fá að vera í samstarfi um hana. Tónlistin í sýningunni er einstaklega flott, en Kristjana Stefánsdóttir samdi hana og Berglind Halldórsdóttir sá um tónlistarstjórn. Kennarar og nemendur Tónlistarskólans léku í hljómsveitinni og söngnemendur skólans voru áberandi í burðarmiklum sönghlutverkum á sviði. Þetta var frábært tækifæri fyrir alla þessa nemendur, sem stóðu sig með mikilli prýði og voru skólanum til mikils sóma. Við óskum miðstigi Egilsstaðaskóla innilega til hamingju með þessa stórkostlegu sýningu og þökkum kærlega fyrir samstarfið!