BRAS söngstund

Hljómsveitin sem lék undir

Það var líf og fjör í Egilsstaðakirkju þriðjudaginn 6. október, en þá var haldin söngstund með elsta árgangi leikskóla og þeim yngsta í grunnskólum á svæðinu. Var söngstundin liður í BRAS, menningarhátíð barna og ungmenna á Austurlandi. Hljómsveit skipuð nemendum og kennurum Tónlistarskólans á Egilsstöðum sá um undirleik, en Berglind Halldórsdóttir sá um að stjórna hljómsveitinni á meðan Margrét Lára Þórarinsdóttir sá um kórstjórn. Flytjendurnir ungu stóðu sig með stakri prýði og mega foreldrar þeirra vera stoltir af þessari glæsilegu frammistöðu. Við þökkum grunn- og leikskólunum sem tóku þátt kærlega fyrir gott samstarf og óskum söngvurunum ungu innilega til hamingju!