BRAS söngstund

Við áttum dásamlega stund með elstu nemendunum á leikskólanum Tjarnarskógi og fyrstu bekkingum úr Egilsstaðaskóla fimmtudaginn 27. október í Egilsstaðakirkju. Þá fór fram hin árlega söngstund Tónlistarskólans, en þessi viðburður kom til í tengslum við barnamenningarhátíðina BRAS. Á söngstundinni fá börnin að syngja lög við undirleik hljómsveitar sem er mönnuð kennurum og nemendum Tónlistarskólans. Börnin sungu Lagið um það sem er bannað eftir Sveinbjörn I. Baldvinsson og lagið Gull og Perlur með texta Hjálmars Freysteinssonar og var greinilegt að þau höfðu undirbúið sig vel. Berglind Halldórsdóttir skipulagði viðburðinn fyrir hönd skólans og stjórnaði hljómsveitinni og Margrét Lára Þórarinsdóttir stjórnaði söngnum.