Byrjun vorannar

Jæja þá er vorönnin byrjuð í Tónlistarskólanum á Egilsstöðum og kennsla orðin í föstum skorðum. Það tekur oft smá tíma að skipuleggja kennsluna eftir áramótin og koma mönnum í gang. Kennarar þurfa að endurskoða stundaskrár og við þurfum að búa til bekkjarskrár sem er stundaskrá með öllum tímum allra nemenda í hverjum bekk. Þá skrá sendum við svo í bekkina til að kennarar í grunnskólanum geti fylgst með því hvenær nemendur eiga að mæta í tónlist.

Á döfinni er svo ýmislegt, sjúkrahústónleikar, undankeppni fyrir Nótuna og einnig svæðistónleikar Nótunnar á Akureyri, árshátíðir grunnskólans, einleikaratónleikar og svona mætti áfram telja.

VIð hlökkum til annarinnar sem er framundan.