Chopin píanókeppnin

Fyrsta Chopin píanókeppnin á Íslandi var haldin í pólska sendiráðinu í Reykjavík dagana 29.-31. mars. Tónlistarskólinn á Egilsstöðum átti þrjá keppendur þar, en þær Joanna Natalia Szczelina, Katrín Edda Jónsdóttir og Maria Anna Szczelina stóðu sig mjög vel og voru skólanum til mikils sóma. Keppendur komu frá ýmsum löndum og flestir hinna íslensku keppenda voru af höfuðborgarsvæðinu, þannig að segja má að Tónlistarskólinn á Egilsstöðum hafi haft nokkra sérstöðu á þessum viðburði sem landsbyggðartónlistarskóli. Keppnin var frábær reynsla fyrir nemendur okkar og fengu þær að hlusta á marga frábæra listamenn og tónlistarnemendur spila. Við þökkum pólska sendiráðinu kærlega fyrir viðtökurnar!