Dagur íslenskrar tónlistar

Þriðjudagurinn fyrsti desember var haldinn hátíðlegur í Egilsstaðaskóla, enda Fullveldisdagurinn. Nemendur mættu prúðbúnir í skólann og fengu að hlýða á hátíðardagskrá. Þessi dagur var þó einnig Dagur íslenskrar tónlistar. Af því tilefni æfðu nemendur Egilsstaðaskóla þrjú lög sem þeir sungu saman við undirleik kennara Tónlistarskólans. Lögin voru Esjan, Tunglið tunglið taktu mig og Lítill fugl. Nemendur voru í sínum stofum á meðan tónlistarkennararnir voru á sviði inni í hátíðarsal og var undirleiknum streymt inn í allar stofurnar. Nemendur tóku vel undir í söngnum og var þetta ánægjuleg stund í alla staði. Við þökkum Egilsstaðaskóla fyrir frábært samstarf í þessu verkefni!