Dagur íslenskrar tónlistar

Á hverju ári er dagur íslenskrar tónlistar haldinn hátíðlegur 1. desember. Þann dag hefur Tónlistarskólinn undanfarin ár tekið þátt í hátíðahöldum á sal Egilsstaðaskóla, þar sem bæði er haldið upp á fullveldi Íslands og tónlistina okkar. Þetta ár var enginn undantekning, en hátíðahöldin fóru reyndar fram 29. nóvember þar sem 1. desember bar upp á sunnudag. Þetta árið sungu nemendur saman þrjú lög á sal. Nemendur tónlistarskólans léku undir og voru forsöngvarar. Það var yndislegt að heyra nemendur taka vel undir og njóta þess að syngja saman. Við þökkum Egilsstaðaskóla innilega fyrir samstarfið um þennan frábæra viðburð og fyrir sönginn!