Dagur Tónlistarskólanna

Hljómsveitarhornið

Tónlistarskólinn á Egilsstöðum hélt upp á Dag tónlistarskólanna laugardaginn 8. febrúar með opnu húsi í skólanum kl. 13:00-15:00. Við upphaf kynnti skólastjóri skólann og starfsemi hans auk þess að gestir fengu að hlýða á tónlistaratriði. Síðan fengu gestirnir að skoða skólann hátt og lágt og voru kennarar með ýmislegt í boði til að skoða og prófa, svo sem slagverks- og blásturshljóðfærakynningar, hljómsveitarhorn, tölvutónlistarkynningu, kynningu á tónfræðanámi við skólann, prufutíma í söng, opna píanó- og meðleikstíma og opna strengjasamspilsæfingu. Var þetta ánægjulegur dagur í alla staði og við þökkum þeim sem komu til okkar til að fagna þessum degi með okkur.