Dagur tónlistarskólanna

Dagur tónlistarskólanna er haldinn hátíðlegur 7. febrúar ár hvert. Vegna COVID-19 faraldursins gátum við ekki boðið gestum til okkar eins og við gerðum í fyrra, en getum vonandi gert það á næsta skólaári. Í staðinn héldum við upp á daginn með því að tónlistarkennararnir komu saman til þess að fræðast um og spila saman tónverkið In C eftir Terry Riley. Charles Ross hélt fyrir starfsmenn fyrirlestur um naumhyggju í tónlist 20. aldar og kennararnir fengu svo að prófa að spila verkið. Var þetta skemmtilegur og fróðlegur dagur fyrir okkur og gott tækifæri fyrir okkur að viðhalda kunnáttu okkar í samspili.