Dyngjutónleikar í apríl

Þriðjudaginn 24. apríl lögðu nemendur leið sína í Dyngju til að halda tónleika, en þetta voru næstsíðustu tónleikar Tónlistarskólans þar á skólaárinu. Að þessu sinni voru mestmegnis píanóatriði í boði, en þó fengu áheyrendur einnig að heyra fiðlu- og gítarleik. Nemendur voru að miklu leyti að spila efni sem þeir munu leika á stigs- og áfangaprófum í maí. Sígild tónlist var meginuppistaðan í efnisskránni, en þó mátti einnig heyra nokkra blúsaða tóna. Íbúar tóku vel á móti nemendum eins og ævinlega og nemendur stóðu sig með stakri prýði. Næst verður Tónlistarskólinn með tónleika í Dyngju þann 8. maí kl. 15:00.