Dyngjutónleikar í febrúar

Febrúartónleikar Tónlistarskólans í Dyngju voru með veglegu sniði. Íbúar fengu að hlýða á fjölbreytta dagskrá með söng, píanótónlist og fiðlutónlist og var kvikmyndatónlist, dægurlagatónlist og klassísk tónlist á efnisskránni. Meðal flytjenda voru þeir þrír nemendur sem hlutu náð fyrir augum dómnefndar á svæðistónleikum Nótunnar á Akureyri þann 9. febrúar, en þeir nemendur voru einmitt á leið til Reykjavíkur helgina eftir til þess að flytja sín verk í Eldborgarsal Hörpu á lokahátíð Nótunnar. Íbúar í Dyngju tóku nemendum mjög vel og var þetta mjög ánægjuleg stund í alla staði. Við þökkum starfsfólki og íbúum Dyngju fyrir góðar móttökur, nú sem endranær.