Dýrin í Hálsaskógi

Nemendur í 3. og 4. bekk Egilsstaðaskóla sýndu Dýrin í Hálsaskógi fyrir fullum sal áhorfenda á árshátíð sinni sem fór fram miðvikudaginn 6. mars. Tónlistin í þeirri sýningu er ekki af verri endanum og mörg vel þekkt lög í henni. Hljómsveitin var skipuð nemendum Tónlistarskólans og voru þrír kennarar þeim til aðstoðar. Berglind Halldórsdóttir sá um útsetningar og Margrét Lára Þórarinsdóttir um að aðstoða nemendur við sönginn. Við erum stolt af frammistöðu okkar nemenda og gleðjumst einnig yfir frábærri frammistöðu Egilsstaðaskólanemendanna á sviði í fjölbreyttum hlutverkum. Við óskum Egilsstaðaskóla til hamingju með litríka og skemmtilega sýningu og þökkum fyrir samstarfið!