Dýrin í Hálsaskógi-taka tvö!

Árshátíð fyrsta og annars bekkjar Egilsstaðaskóla fór fram fimmtudaginn 14. mars í sal skólans. Þessir bekkir settu upp sömu sýningu og þriðji og fjórði bekkur gerðu fyrir tveimur vikum, Dýrin í Hálsaskógi. Hljómsveitin var skipuð nemendum úr Tónlistarskólanum á Egilsstöðum með stuðningi nokkurra kennara. Berglind Halldórsdóttir sá um útsetningar og Margrét Lára Þórarinsdóttir um stuðning við söng í sýningunni. Óhætt er að segja að áhorfendur hafi skemmt sér vel, enda sýningin falleg og litrík og leikararnir og söngvararnir ungu stóðu sig alveg frábærlega. Við þökkum Egilsstaðaskóla kærlega fyrir frábært samstarf í þessu verkefni og hlökkum til árshátíðanna á næsta ári!