Ég er frábær!

Ný leikhústónskáld

Tónlistarskólinn tók að venju þátt í uppsetningu leikrits í tilefni að árshátíð elsta stigs Egilsstaðaskóla. Í þetta sinn var ekki fluttur söngleikur, heldur nýtt leikrit eftir Álfrúnu Helgu Örnólfsdóttur sem ber nafnið Ég er frábær! Tónlistin er ekki skrifuð inn í leikritið, heldur sáu nemendurnir um að finna lög og bakgrunnstónlist sem passaði í mismunandi atriðum leikritsins. Nemendurnir fengu því að taka þátt í að skapa tónlistina frá grunni, sem var lærdómsríkt fyrir þá.

Að vísu komu COVID-takmarkanir í veg fyrir að árshátíðin yrði haldin með pompi og prakt, en leikhópurinn og tónlistarnemendur fluttu leikritið fyrir foreldra og fylgifiska þann 24. nóvember. Tókst það með eindæmum vel og við hlökkum til að geta sýnt leikritið fyrir fullu húsi.

Við þökkum Egilsstaðaskóla fyrir samstarfið og þá sérstaklega Esther Kjartansdóttur, sem á veg og vanda af uppsetningu sýningarinnar.