Einleikaratónleikar

Miðvikudaginn 6. apríl voru haldnir Einleikaratónleikar á vegum Tónlistarskólans á Egilsstöðum og Tónlistarskólans í Fellabæ. Voru þeir haldnir í Egilsstaðakirkju. Tilgangur tónleikanna var að gefa nemendum tækifæri á að leika einleik og leggja áherslu á einleikara en stundum getur verið að við tónlistarkennarar gleymum okkur of mikið í að hugsa um samspil. Það helgast kannski af því að það eru margir nemendur sem þurfa að fá tækifæri til að koma fram og á stuttum tónleikum er kannski ekki pláss fyrir alla að spila einleik. Því eru svona tónleikar ákaflega mikilvægir og vonandi verður framhald á. Það er líka mjög gaman að tónlistarskólarnir í sveitarfélaginu geti staðið fyrir svona viðburðum saman.

12 nemendur komu fram á tónleikunum og stóðu þeir sig með prýði. Það er alltaf gaman að heyra framfarirnar hjá nemendum og sérstaklega þegar maður getur einbeitt sér svona að því að hlusta á hvern og einn. Til hamingju nemendur og kennarar!