Emil í Kattholti

Egilsstaðaskóli hélt árshátíð yngsta stigs 7. og 9. febrúar síðastliðinn. Óvenjulegt er að haldnar séu tvær árshátíðir en sökum stærðar árganganna var þessi leið farin. Óhætt er að segja að vel hafi tekist til enda var viðfangsefnið Emil í Kattholti, skammastrik hans og ævintýri þeirra systkina í Hlynsdölum í Smálöndunum í Svíþjóð. Smíðakofinn og spýtukarlarnir, súpuskálin og fánastöngin, Ída og vorið, öllu þessu voru gerð góð skil bæði í leik og söng 1.-2. bekkjar á fyrri sýningunni og 3.-4. bekkjar í þeirri seinni. Sönggleðin var mikil og að vanda tóku kennarar og nemendur Tónlistarskólans á Egilsstöðum þátt og mynduðu hljómsveit með hinum fjölbreyttustu hljóðfærum sem lék með söngfólkinu unga sem stóð sig með stökustu prýði.