Liljurnar í gospelmessu

Stúlknakórinn Liljurnar er samstarfsverkefni Tónlistarskólans á Egilsstöðum, Egilsstaðakirkju, Menntaskólans á Egilsstöðum og Egilsstaðaskóla. Í honum eru stúlkur frá 8. bekk og til tvítugs og hafa þær komið fram á ýmsum viðburðum í vetur. Meðal þess sem þær tóku þátt í var gospelmessa í Egilsstaðakirkju sunnnudaginn 6. maí, en þá sungu þær meðal annars lög með hljómsveitinni U2 og úr rokkóperunni Jesus Christ Superstar eftir Andrew Lloyd Webber. Við erum afskaplega stolt af Liljunum og bendum á að við upphaf skólaárs er kjörið fyrir söngelskar stúlkur hefja þátttöku í þessum glæsilega kór, því hann getur jú alltaf á sig Liljum bætt!