Dyngjutónleikar í október

Þriðjudaginn 23. október lögðu nemendur og kennarar leið sína í hjúkrunarheimilið Dyngju til þess að halda stutta tónleika fyrir íbúa. Boðið var upp á píanóleik, gítarleik og trommuleik að þessu sinni og var efnisskráin fjölbreytt að vanda. Íbúar tóku vel á móti nemendum og áttum við góða stund saman. Nemendur stóðu sig vel eins og þeim er von og vísa og fengu þarna gott tækifæri til þess að spila ýmis verkefni sem þau hafa verið að vinna að undanfarið. Næstu tónleikar Tónlistarskólans í Dyngju eru ráðgerðir 27. nóvember og má þá gera ráð fyrir að mest verði leikið á blásturshljóðfæri.